تحضيرات ست البيت فى رمضان
اقترب منا جميعا الشهر الكريم كل عام و انتم بالف خير و انا كست بيت جايبلكم شويه نصايح بالنسبه للكثير منا مش جديدة بس تطبيقها بنكسل فيه احيانا الوقت ضيق ساعات الصيام و الافطار و عندى شويه معلومات حابه اشارككم بيها يمكن تساعد و هبدا ب :
تجميد بعض الاطعمه : و منها تجهيز الثوم المفروم و تفريزة و هقولكم ازاى تجيب كميه الثوم اللى هنستخدمها كيلو مثلا و نقشره و نضيف عليه 3 او 4 ملاعق ملح و نضربه في الكبه و نضعه فى اكياس صغيرة و ترص في الفريزة و كل ما نحتاج ناخد منه الكميه و نشيل بقيته تانى 
2-تفريز الطماطم :بالنسبه للطماطم ممكن نعملها بكذا طريقه اولها نسلقها و نصفيها و نضربها فى الخلاط ثم نضعها في اكياس و ترص فى الفريزر و ممكن نعملها بطريقه تانيه لو كنا من محبي الاكل المسبك يعنى نحمر البصل و نضع التوم عليه حتى يصير دهبى فاتح و نضع الطماطم و نتركها على نار هاديه لغايه ما تتسبك كويس و نقسمها و نضعها في الفريزر و بكدة كل ما نحتاج نطبخ طبخه هيبقى يدوب نطلع كيس الطماطم و نضع عليها الشوربه و الخضار و اللحمه و بالهنا و فى طريقه تالته لمحبى المحاشي اعملى خلصه المحشى العاديه بكميه و قسميها و حطيها فى الفريزر 
3- تفريز الفراخ: لو الفراخ بانيه تغسل جيدا و تتبل و لا تنسي وضع حليب او ذبادى على البانيه علشان يبقي طرى من جواه و ترص جيدا فى اطباق ورقيه و توضع فى التلاجه ممكن تفضل اسبوعين او تلاته المهم متفكيهاش من التلج و بعدين تجميديها تانى و كذلك ممكن نعمل الوراك او الصدور بنفس الطريقه
و ممكن بعد ما نتبل البانيه نضع عليه البيض و البقسمات و يرص فى صينيه و يوضع في التلاجه ساعه تقريبا و نرصه في الاطباق و ساعه ما نحتاجه كل اللى علينا نطلعه قبل ساعه واحدة بس و نقليه فى زيت غزير 
4- تفريز الكرنب : نسلق الكرنب نص سلقه و نصفيه كويس و نقطعه و نرصه و نحفظه في التلاجه و كذلك ورق العنب
5- تفريز اللحوم : انا شخصيا بحتاج اللحمه المعصجه كتير جدا فى رمضان في المحاشي او الجلاش او المعجنات و حاجات كتير علشان كدة بحضر كميه لحمه مفرومه كويسه حوالى 3 او 4 كيلو او حسب الكميه و اعصجها بالبصل و التوم و السمنه مع زيت الذرة و اتبلها كويس و اسيبها تبرد خالص و اضعها فى اكياس و اساويها و اشيلها فى الفريز و اطلعها وقت ما احتاجها 
و ساعات كمان بفرز خلطه الحواوشي بس انا بعمله بطريقه اخف شويه بخلط نص الكميه لحمه مفرومه و النص التانى بانيه و افرمه فى الكبه و احط البصل و شويه ثوم و التوابل اللى بنفضلها و احفظه على كميات فى اكياس فى الفريزر .
6- الليمون : نجيب كميه ليمون و نعصرها و نصفيها من البذر و نضعها فى قالب التلج و لما نحتاج هنطلع مكعب مكعب
برغم انى اللى قولتوا معظمه مش جديد و بنستسهله الا ان فى رمضان داه هنبقى مع الحر و العطش مش قادرين فهيبقى من السهل اخراج المكونات اللى هنحتاجه لليوم التالى من الفريزر من الساعه 9 الصبح مثلا و نشتغل فيها من بعد العصر انا شخصيا بعمل كدة و اتمنى ان ينال موضوعى اعجابكم و يساعدكو .
و رمضان كريم
روووعه موضوع مميز بجد وهيسهل علينا كتييييييييير
ردحذف